इजरायल घेदुङद्वारा ५ लाखको शैक्षिक कोष स्थापना

1152

बैशाख २४, काठमाडौं ।
नेपाल तामाङ घेदुङ इजरायलले तामाङ विद्यार्थीहरुको लागि तामाङ शैक्षिक अक्षय कोष खडा गरेको छ । संस्थाले नेपाल तामाङ घेदुङद्वारा सञ्चालित घेदुङ बहुउद्देश्यीय सहकारी संस्थामा ५ लाखको अक्षय कोष आज खडा गरेको हो ।
तामाङ विद्यार्थीहरुलाई शिक्षा क्षेत्रमा थप अभिप्रेरित गर्ने उद्देश्यले सहयोग पु¥याउन शैक्षिक अक्षय कोष खडा गरिएको इजरायल घेदुङका अध्यक्ष माया तामाङ (दिप्मा) ले बताउनु भयो । उहाँका अनुसार संस्थाले शैक्षिक अक्षय कोष सञ्चालन सम्बन्धि कार्यविधि पारित गरेको र सो कार्यविधि बमोजिम शैक्षिक सहयोग हस्तान्तरण गरिने जनाउनु भएको छ । उहाँले यो कोषलाई बढाउँदै लगिने पनि प्रतिवद्धता जनाउनु भयो ।
कोषले आर्थिक रुपमा विपन्न, जेहेन्दार, द्वन्द्व पीडित, टुहुरा, रोजगारीको सिलसिलामा प्रवासमा ज्यान गुमाएका ब्यक्तिको छोराछोरी तथा दैवी प्रकोपबाट पीडित बालबालिकाहरुलाई सहयोग पु¥याउने कार्यविधिमा उल्लेख छ ।
स्थापना कालदेखि नै घेदुङ केन्द्रसँग निकट रहेर तामाङको हरेक समस्यासँग सहकार्य, सहयोग गर्दै आइरहेको इजरायल घेदुङले शैक्षिक सहयोग अक्षय कोष खडा गरेकोमा नेपाल तामाङ घेदुङको संघीय अध्यक्ष मोहन गोले तामाङले संस्थालाई हार्दिक धन्यवाद ब्यक्त गरेको छ ।
शिक्षा क्षेत्रमा तामाङ समुदायलाई अघि बढाउन लामो समयदेखि प्रयत्न गर्दै आएपनि ठोस काम गर्न सकिरहेका थिएनौ, अध्यक्ष गोलेले भने– इजरायल घेदुङले पहिलोपटक यो शैक्षिक कोष खडा गरेर उदाहरणीय काम गरेको छ । उहाँले यस खालको काममा स्वदेश, विदेशका सबै ब्यक्ति, संस्थाहरु एकजुट भएर लाग्ने हो भने तामाङ समुदायमा परिवर्तन ल्याउन हामी आफै सक्षम हुने पनि बताउनु भयो ।
घेदुङ केन्द्रले गत बर्ष नै तामाङ भाषा, लिपि तथा साहित्य प्रवद्र्धनमा टेवा पु¥याउने उद्देश्यले रु. ७ लाख रकमको भाषा तथा साहित्य विकास अक्षयकोष खडा गरिसकेको छ । यस कोषबाट ५, ५ बर्षमा भाषा, साहित्यको क्षेत्रमा विशेष योगदान पु¥याउने सर्जकहरुलाई पुरस्कृत गरिनेछन् ।
यसैगरी घेदुङले विभिन्न विपतीमा परेका तामाङ समुदायलाई सहयोग पु¥याउन तामाङ विपद ब्यवस्थापन कोष पनि खडा गरेको छ । दुःखमा परेका तामाङहरुलाई तत्काल राहत दिन विपद कोष खडा गरिएको घेदुङका विपद ब्यवस्थापन प्रमूख रामकृष्ण ब्लोन तामाङले बताउनु भयो । उनले भने–यो कोषमा हाल ६० हजार रकम जम्मा गरेर सुरुवात गरेका छौ ।
अब प्रवास स्थित विभिन्न समितिहरुबाट प्राप्त हुने सहयोग समेत एकद्वार प्रणालीबाट यही कोषमा जम्मा गरेर मात्र हस्तान्तरण गरिने घेदुङका उपाध्यक्ष कुमार घिसिङ तामाङले बताउनुभयो । उहाँका अनुसार विदेशबाट विभिन्न समयमा हस्तान्तरण हुने सहयोगहरुलाई फेसबुकमा मात्र प्रचार नगरी ब्यवस्थित ढंगबाट अफिसियल रेकर्ड राख्न एकद्वार प्रणाली अपनाइएको हो ।
यस्तै घेदुङको आजीवन सदस्यहरुलाई विभिन्न आपत्, विपदमा सहयोग पु¥याउनको लागि आजिवन सदस्यता कोष समेत खडा गरिएको छ । आजिवन सदस्यता वितरणबाट संकलित रकममा केन्द्रमा जम्मा भएको रकममध्ये ५० प्रतिशत रकम कोषमा जम्मा गरिन थालेको घेदुङका महासचिव बाबु घिसिङले बताउनु भयो ।